السلام عليكم ورحمة الله وبركاته
القصة صارت على إحدى شواطئ الخليج
فيه اثنين شباب راحوا البحر جلسوا على الشاطئ ومعاهم عشاهم. وهم جالسين يتعشون جتهم عجوز كبيره في السن وقعدت تلقط الأكل المنثور على الأرض وتأكل. ولما شافوها قالولها أنتي جوعانة قالت أنا هنا من الصبح وما أكلت شئ حابني ولدي من الصبح وراح وخلاني وقالي راح أجي أخذك بعد شوي . المهم جابوا لها عشاء وتعشت.
وبعد ما تأخر الوقت شالوا أغراضهم وحسوا الشباب إن الوقت متأخر والجو بدا يبرد وما يصير يتركون العجوز على الشاطئ لحالها في الليل وجاء واحد من الشباب وقال لها عندك رقم ولدك نتصل عليه نخليه يجي يأخذك. قالت العجوز إيه معي الرقم في ورقه . ولما طلعت الورقة . ايش تتوقعوا مكتوب فيها ؟؟؟؟؟ مكتوب فيها من يجد هذه المراه يأخذها لدار العجزة انصعقوا الشباب من المكتوب في الورقة وجلسوا ساعة يترجون العجوز تمشي معاهم . ويحاولون فيها إنهم يوصلوها أي مكان هي تبيه . أكيد العجوز رفضت أنها تروح معاهم لأن ولدها وعدها انه يجي . وكانت تقول ولدي يجي يأخذني وأنا راح استناه.
ماتدري المسكينة إن ولدها تنكر لها ورماها في الوقت إلي هي فيه محتاجه له. المهم راحو الشباب عنها أتركوها على أمل إن ولدها راح يجي يأخذها حسب وعده لها . فيه واحد من الشباب قعد يتقلب في الفراش وما قدر يرقد يفكر في مصير العجوز المسكينة وقام من فراشه وغير ملابسه وركب سيارته وراح للشاطئ. ولما وصل . شاف الإسعاف والشرطة والناس متجمعين ودخل بينهم شاف العجوز قد فارقت الحياة ولما سألهم عن سبب وفاه العجوز قالوا له أرتفع معها الضغط وماتت. ماتت من خوفها على ولدها يمكن يكون صار له شئ .
تعليق:
قال تعالى في أمره بالبر بالوالدين :
<واخفض لهما جناح الذل من الرحمة وقل ربي ارحمهما كما ربياني صغيراً>
موضوع: قصه أحزنتني كثير 
الجمعة يناير 19, 2007 7:44 pm
